La Courante - Prima Partita per violino solo di Johann Sebastian Bach

“La Courante” de “Prima Partita per violino solo” di J. S. Bach e je une danze francese elegante, plene di contrascj e di elements sorprendents. Cheste composizion e je il simbul di un vêr dialic tra vôs diferentis che no si soreponin mai tra di lôr, pluitost si corin daûr come intune novitât continue. E fâs pardabon maravee la relazion che e je tra i diferents regjistris; e ven fûr une melodie multiple e framentade, ma coerente: nol è nuie lassât al câs. Di chest toc musicâl al ven fûr un moviment interiôr, la voie di comunicâ emozions che a cambiin di un continui, profondis e contrastantis, e la capacitât di tornâ a tacâ i fîi di chês tramis che si jerin spacadis di bot. Al è dut une vore naturâl, come la aghe che e cor vie intun flum, che si rive a fermâ, come esprimût dal non di cheste danze.