“Human Touch” al è un mût zentîl e cordiâl di tratâ cu lis personis
par fâlis sintî ben.
La int e la societât a àn dibisugne vuê plui che mai di fâ cheste esperience umane e di tornâ a ciatâ fiducie tes relazions sociâls.
Lis performances artistichis e lis oparis esponudis a proponin il teme dal dialic e des relazions sanis, intune prospetive sociâl che si fonde su la atenzion, il rispiet, la zentilece e sul ricognossiment de unicitât e dal valôr uman di ognidun.
Simpri plui personis a àn dificoltâts di relazion che si manifestin in plui manieris: esclusion e isolament, aument de ansie e de agressivitât, depressions e autolesionisim; duncje, si à di agjî su la cure de socialitât e su la prevenzion dal malstâ, judant lis personis a disvilupâ la capacitât di comunicâ e lis strategjiis di adatament cuintri dal stress,
par miorâ il benstâ de persone e de coletivitât.
La ricercje sientifiche de psicosociologjie e des neurosiencis e calcole la creativitât e lis arts tant che risorsis buinis par miorâ il benstâ de societât e par permeti la socializazion.
La espressivitât creative, ancje tes sôs formis amatoriâls, e je un mieç di comunicazion che e contribuìs une vore al benstâ de int.
“The Human Touch” al vûl promovi cuntune mostre dedicade al benstâ de societât, la comunicazion e il dialic tra lis gnovis gjenerazions, i adults e parts diviersis de societât: valorizâ la creativitât, i lengaçs e lis prospetivis origjinâls, la varietât des lenghis e des culturis; dâ la oportunitât a ducj di esprimisi vivint relazions fatis di atenzion, rispiet e zentilece. La mostre è a dôs edizions:
Traduzion in lenghe furlane par cure dal
Sportel pe lenghe furlane de ARLeF - Agjenzie regjonâl pe lenghe furlane
Chest catalic digjitâl al presente dutis lis oparis esponudis tes dôs sedis.