Realtâts paralelis

"Realtà Parallele" al rapresente une femine medievâl taponade cuntun bleon blanc tal mieç di une stanzie; la figure e spiete di vignî processade tant che strie e, aromai rassegnade al so destin, e pant dutis lis sôs emozions in chel moment, intant che intor di jê il timp e il spazi si fermin dal dut, gjavant fûr la sene de realtât terene e puartantle viers alc di plui astrat, cuasi come se dut chel che al sucêt al fos un sium.
La rapresentazion e zuie sul contrast di dôs realtâts, ven a stâi chê statiche e cuiete dal ambient dulintor e de gnot, e chê ferbinte e plene di matetât, rabie e disperazion de femine e des musis des sôs emozions.

La opare e je stade realizade par partecipâ partecipâ al concors "Follia: è violenza, è creatività, è un turbine entro cui non trovar pace!" (Matetât: e je violence, e je creativitât, al è un gorc che no ti da pâs) inmaneât dal Comun di Gurize dentri dal progjet “GORIZIA, femminile, singolare”.