Cjase

Se o pensi ae idee di cjase che o ai, alore ancjemò prin des personis che le rapresentin o pensi aes azions ripetudis che mi fasin ricognossi chel ambient tant che cjase nestre. No il sanc, no la dissendence, no la relazion parentâl, ma invezit la cure, il sunôr familiâr di une cjicare, la musiche par fâ l’arbul di Nadâl, lis gulizions, il sfueâ di un libri cuant che al ven gnot, il corezi ogni dì i compits di scuele. Dut chest al è il côr visîf e sonôr di ce che al è familiâr par me. E la ripetizion periodiche di chest côr lu à trasformât intun lengaç che o cognòs e che midiant di lui cumò o pues comunicâ ancje jo.